जळगाव ः खानदेशातील प्रमुख बाजार समित्यांमध्ये ज्वारीची आवक घटली असून, कमाल दर २१०० रुपये प्रतिक्विंटलपर्यंत पोचले आहेत. जळगाव जिल्ह्यात बाजार समित्यांमध्ये प्रतिदिन फक्त ५०० तर धुळ्यात ३०० क्विंटलपर्यंत आवक होत आहे.
ज्वारीला उच्चांकी दर मिळाले आहेत. परंतु आवक कमी असल्याने शेतकऱ्यांना त्याचा फारसा लाभ नसल्याचे म्हटले जात आहे. कारण जळगावात फक्त सुमारे २१ हजार हेक्‍टवर पेरणी झाली होती. तर धुळ्यातही १७ हजार हेक्‍टरपर्यंत पेरणी झाली होती. पावसाच्या लहरीपणामुळे पिकाला फटका बसला. तरी काळी कसदार जमीन असलेल्या भागात उत्पादन बरे आले. जळगाव तालुक्‍यातील ममुराबाद, जुने जळगाव भागातील काही शेतकऱ्यांना एकरी सात क्विंटलपर्यंत उत्पादन आले. तर चाराही चांगला मिळाला. ज्वारीची मळणी १०० टक्के आटोपली आहे.
ज्वारीला सुरवातीला ११०० रुपयांपासून दर होते. या महिन्याच्या सुरवातीला जळगाव जिल्ह्यातील चोपडा, अमळनेर, जळगाव, पाचोरा व चाळीसगाव बाजार समित्यांमध्ये मिळून प्रतिदिन १००० क्विंटलपर्यंत आवक होत होती. पण या महिन्याच्या मध्यात आवक कमी झाली. तसे दरही वधारले. ते आजघडीला २१०० रुपये प्रतिक्विंटलपर्यंत आहेत. जळगाव जिल्ह्यात चोपडा व अमळनेर बाजार समितीत अधिक आवक होत आहे.
जळगाव बाजार समितीत प्रतिदिन फक्त १०० क्विंटलपर्यंत आवक आहे. धुळे जिल्ह्यात धुळे, दोंडाईचा व शिरपूर बाजार समितीत मिळून ३०० क्विंटलपर्यंत आवक होत आहे. लिलाव लागलीच आटोपत आहेत. काळ्या कसदार जमिनीत दर्जेदार उत्पादन आले आहे. त्यामुळे या ज्वारीला दरही बऱ्यापैकी मिळत आहेत. सरासरी दर १८०० रुपये प्रतिक्विंटलपर्यंत आहेत.
जळगाव ः खानदेशातील प्रमुख बाजार समित्यांमध्ये ज्वारीची आवक घटली असून, कमाल दर २१०० रुपये प्रतिक्विंटलपर्यंत पोचले आहेत. जळगाव जिल्ह्यात बाजार समित्यांमध्ये प्रतिदिन फक्त ५०० तर धुळ्यात ३०० क्विंटलपर्यंत आवक होत आहे.
ज्वारीला उच्चांकी दर मिळाले आहेत. परंतु आवक कमी असल्याने शेतकऱ्यांना त्याचा फारसा लाभ नसल्याचे म्हटले जात आहे. कारण जळगावात फक्त सुमारे २१ हजार हेक्‍टवर पेरणी झाली होती. तर धुळ्यातही १७ हजार हेक्‍टरपर्यंत पेरणी झाली होती. पावसाच्या लहरीपणामुळे पिकाला फटका बसला. तरी काळी कसदार जमीन असलेल्या भागात उत्पादन बरे आले. जळगाव तालुक्‍यातील ममुराबाद, जुने जळगाव भागातील काही शेतकऱ्यांना एकरी सात क्विंटलपर्यंत उत्पादन आले. तर चाराही चांगला मिळाला. ज्वारीची मळणी १०० टक्के आटोपली आहे.
ज्वारीला सुरवातीला ११०० रुपयांपासून दर होते. या महिन्याच्या सुरवातीला जळगाव जिल्ह्यातील चोपडा, अमळनेर, जळगाव, पाचोरा व चाळीसगाव बाजार समित्यांमध्ये मिळून प्रतिदिन १००० क्विंटलपर्यंत आवक होत होती. पण या महिन्याच्या मध्यात आवक कमी झाली. तसे दरही वधारले. ते आजघडीला २१०० रुपये प्रतिक्विंटलपर्यंत आहेत. जळगाव जिल्ह्यात चोपडा व अमळनेर बाजार समितीत अधिक आवक होत आहे.
जळगाव बाजार समितीत प्रतिदिन फक्त १०० क्विंटलपर्यंत आवक आहे. धुळे जिल्ह्यात धुळे, दोंडाईचा व शिरपूर बाजार समितीत मिळून ३०० क्विंटलपर्यंत आवक होत आहे. लिलाव लागलीच आटोपत आहेत. काळ्या कसदार जमिनीत दर्जेदार उत्पादन आले आहे. त्यामुळे या ज्वारीला दरही बऱ्यापैकी मिळत आहेत. सरासरी दर १८०० रुपये प्रतिक्विंटलपर्यंत आहेत.
0 comments:
Post a Comment