सोलापूर ः घरच्या घरी सेंद्रिय पद्धतीने आणि अगदी कमी खर्चात ‘जिजाई नॅनो किचन गार्डन’ची संकल्पना सोलापुरातील कृषी विज्ञान केंद्राने मांडली असून, सुमारे पावणेचार फूट बाय सव्वासहा फुटांच्या जागेत या गार्डनमधून ११ ते १३ प्रकारच्या भाज्या मिळू शकतात.
कृषी विज्ञान केंद्राचे कार्यक्रम समन्वयक व वरिष्ठ शास्त्रज्ञ डॉ. लालासाहेब तांबडे यांनी ही संकल्पना मांडली. त्यानुसार त्यांनी पहिल्यांदा स्वतःच्या घरी मॉडेल विकसित केले. त्यानंतर त्यांनी कृषी विज्ञान केंद्रात त्याची उभारणी केली. रासायनिक कीटकनाशक आणि तणनाशकांचा वापर भाजीपाल्यामध्ये वाढला आहे. पण आता त्यात बदल अपेक्षित आहे. किमान आपल्या कुटुंबासाठी, आरोग्यासाठी काही प्रयत्न व्हावेत, यासाठी ही संकल्पना आहे. मुख्यतः उत्तम आरोग्यासाठी सेंद्रिय पद्धतीने स्वतःचा भाजीपाला स्वतःच घरच्या घरी पिकवणे, हाच केवळ उद्देश या संकल्पनेमागे असल्याचे डॉ. तांबडे म्हणाले.
एका कुटुंबासाठी पुरेसा
घराच्या पटांगणात, परसबागेत, टेरेसवर हे मॉडेल उभा करता येते. पावणेचार फूट बाय सव्वासहा फूट जागेत प्लॅस्टिक पाइपच्या साह्याने शेडनेटच्या मांडवाखाली ते झाकले जाते. चार माणसांच्या कुटुंबाला आठवड्याला एक ते दीड किलो भाजीपाला यातून मिळतो, असा दावाही डॉ. तांबडे यांनी केला. साधारण सात हजार ते नऊ हजार रुपयांचा खर्च त्यासाठी येतो. अधिक माहितीसाठी गणेश कांबळे (९८५०८४८३५३) यांच्याशी संपर्क साधावा, असे आवाहनही डॉ. तांबडे यांनी केले आहे.
अटारीकडून दखल
भारतीय कृषी संशोधन परिषदेअंतर्गत पुण्यातील कृषी तंत्रज्ञान अवलंबन व संशोधन संस्थेच्या (अटारी) इनोव्हेटिव्ह अॅप्रोचेस अॅण्ड इन्टरव्हेशन या देशातील कृषी विज्ञान केंद्रांच्या अहवालातही डॉ. तांबडे यांचा या संबंधीचा शोधनिबंध प्रसिद्ध झाला आहे.
सोलापूर ः घरच्या घरी सेंद्रिय पद्धतीने आणि अगदी कमी खर्चात ‘जिजाई नॅनो किचन गार्डन’ची संकल्पना सोलापुरातील कृषी विज्ञान केंद्राने मांडली असून, सुमारे पावणेचार फूट बाय सव्वासहा फुटांच्या जागेत या गार्डनमधून ११ ते १३ प्रकारच्या भाज्या मिळू शकतात.
कृषी विज्ञान केंद्राचे कार्यक्रम समन्वयक व वरिष्ठ शास्त्रज्ञ डॉ. लालासाहेब तांबडे यांनी ही संकल्पना मांडली. त्यानुसार त्यांनी पहिल्यांदा स्वतःच्या घरी मॉडेल विकसित केले. त्यानंतर त्यांनी कृषी विज्ञान केंद्रात त्याची उभारणी केली. रासायनिक कीटकनाशक आणि तणनाशकांचा वापर भाजीपाल्यामध्ये वाढला आहे. पण आता त्यात बदल अपेक्षित आहे. किमान आपल्या कुटुंबासाठी, आरोग्यासाठी काही प्रयत्न व्हावेत, यासाठी ही संकल्पना आहे. मुख्यतः उत्तम आरोग्यासाठी सेंद्रिय पद्धतीने स्वतःचा भाजीपाला स्वतःच घरच्या घरी पिकवणे, हाच केवळ उद्देश या संकल्पनेमागे असल्याचे डॉ. तांबडे म्हणाले.
एका कुटुंबासाठी पुरेसा
घराच्या पटांगणात, परसबागेत, टेरेसवर हे मॉडेल उभा करता येते. पावणेचार फूट बाय सव्वासहा फूट जागेत प्लॅस्टिक पाइपच्या साह्याने शेडनेटच्या मांडवाखाली ते झाकले जाते. चार माणसांच्या कुटुंबाला आठवड्याला एक ते दीड किलो भाजीपाला यातून मिळतो, असा दावाही डॉ. तांबडे यांनी केला. साधारण सात हजार ते नऊ हजार रुपयांचा खर्च त्यासाठी येतो. अधिक माहितीसाठी गणेश कांबळे (९८५०८४८३५३) यांच्याशी संपर्क साधावा, असे आवाहनही डॉ. तांबडे यांनी केले आहे.
अटारीकडून दखल
भारतीय कृषी संशोधन परिषदेअंतर्गत पुण्यातील कृषी तंत्रज्ञान अवलंबन व संशोधन संस्थेच्या (अटारी) इनोव्हेटिव्ह अॅप्रोचेस अॅण्ड इन्टरव्हेशन या देशातील कृषी विज्ञान केंद्रांच्या अहवालातही डॉ. तांबडे यांचा या संबंधीचा शोधनिबंध प्रसिद्ध झाला आहे.
0 comments:
Post a Comment