पुणे ः गुलटेकडी येथील बाजार समितीमध्ये रविवारी (ता.२७) गेल्या आठवड्याच्या तुलनेत फळभाज्यांची आवक वाढली होती. मागणी आणि पुरवठा संतुलित राहिल्याने बहुतांश भाजीपाल्याचे दर स्थिर होते. तर फळविभागात उन्हाळी फळांची आवक वाढली होती. यामध्ये कलिंगड, खरबूज, हापूस आंब्याचा समावेश आहे.
फळे, भाजीपाल्याच्या आवकेमध्ये राज्याच्या विविध भागांसह परराज्यांतून सुमारे ९० ते १०० ट्रक आवक झाली होती. यामध्ये परराज्यांतून गुजरात आणि कर्नाटक येथून सुमारे १० ट्रक हिरवी मिरची, गुजरात, मध्यप्रदेश येथून ५ टेम्पो कोबी, आंध्र प्रदेश, तमिळनाडू येथून ५ टेम्पो शेवगा, राजस्थानहून...
