जळगाव ः खानदेशातील मोजक्‍याच बाजार समित्यांमध्ये सध्या बाजरीची आवक होत असून, दर २४०० रुपये प्रतिक्विंटलपर्यंत स्थिर आहेत. शिरपूर व दोंडाईचा (जि. धुळे), चोपडा व अमळनेर येथील बाजारात सुरवातीला मळणी झालेल्या बाजरीची आवक सुरू असून, या बाजार समित्यांमध्ये प्रतिदिन १५० क्विंटलदेखील मिळून आवक होत नसल्याची स्थिती आहे.
पेरणी खानदेशात सुमारे १५ हजार हेक्‍टरवर झाली होती. डिसेंबरमध्ये पेरणी केलेल्या बाजरीची मळणी शिरपूर, चोपडा भागात सुरू आहे. या भागातील शेतकऱ्यांनी लागलीच बाजारात विक्री करण्यास पसंती दिली असून, त्यांना सुरवातीच्या दरांचा लाभ काहीसा मिळाला आहे. किमान २००० व कमाल २४०० रुपये प्रतिक्विंटलचे दर दर्जेदार बाजरीला आहेत. शिरपूर येथील बाजारात आठवड्यातून तीन दिवस बऱ्यापैकी आवक होते. नंतरचे चार दिवस फारशी आवक नसते. शिरपूर व दोंडाईचा येथे प्रतिदिन सरासरी ८० क्विंटलपर्यंतची आवक होत आहे. धुळे व साक्री (जि. धुळे) येथील बाजारातही नगण्य आवक होत आहे.
सध्या जळगाव, मुक्ताईनगर, पाचोरा येथील बाजारात आवक नसल्याचीच स्थिती आहे. जळगाव व चाळीसगाव येथील बाजारात पुढे आवक सुरू होईल. आवक कमी व उठाव बऱ्यापैकी असल्याने दर टिकून राहतील, असे सांगितले जात आहे.
मका दरात आणखी सुधारणा शक्‍य
मक्‍याची आवकही बाजरीप्रमाणेच नगण्य आहे. चोपडा, रावेर व मुक्ताईनगर भागात मळणी सुरू झाली आहे. परंतु या हंगामात अमेरिकन लष्करी अळीमुळे मका लागवड ३० टक्केच झाल्याने आवकेवर मोठा परिणाम दिसत असून, दर मागील तीन-चार महिन्यांपासून २१०० रुपये प्रतिक्विंटलपर्यंत आहेत. मक्‍याची खेडा खरेदी लवकरच चोपडा, रावेर व जळगाव भागात सुरू होईल. थेट शेतात प्रतिक्विंटल किमान २००० रुपये दर शेतकऱ्यांना या हंगामात मिळेल, अशी स्थिती आहे. मक्‍यासाठी प्रसिद्ध असलेल्या चोपडा, जळगाव, मुक्ताईनगर, अमळनेर येथील बाजारात सध्या मक्‍याची नगण्य किंवा किरकोळ आवक होत आहे. दरात पुढे आणखी किंचित सुधारणा होऊ शकते, असा अंदाज व्यक्त करण्यात आला. गव्हाची जळगाव, चोपडा व अमळनेरातील बाजारात आवक वाढत आहे. जळगाव बाजारात प्रतिदिन १२५ क्विंटल सरासरी लोकवन प्रकारच्या गव्हाची आवक झाली. वनफोरसेव्हन प्रकारच्या गव्हाचीदेखील किरकोळ आवक झाली. लोकवन गव्हास प्रतिक्विंटल किमान १८०० व कमाल २१५० रुपये प्रतिक्विंटलचे दर मागील आठवड्यात मिळाले. पुढे आवक कमी होऊ शकते, असे सांगण्यात आले.
जळगाव ः खानदेशातील मोजक्‍याच बाजार समित्यांमध्ये सध्या बाजरीची आवक होत असून, दर २४०० रुपये प्रतिक्विंटलपर्यंत स्थिर आहेत. शिरपूर व दोंडाईचा (जि. धुळे), चोपडा व अमळनेर येथील बाजारात सुरवातीला मळणी झालेल्या बाजरीची आवक सुरू असून, या बाजार समित्यांमध्ये प्रतिदिन १५० क्विंटलदेखील मिळून आवक होत नसल्याची स्थिती आहे.
पेरणी खानदेशात सुमारे १५ हजार हेक्‍टरवर झाली होती. डिसेंबरमध्ये पेरणी केलेल्या बाजरीची मळणी शिरपूर, चोपडा भागात सुरू आहे. या भागातील शेतकऱ्यांनी लागलीच बाजारात विक्री करण्यास पसंती दिली असून, त्यांना सुरवातीच्या दरांचा लाभ काहीसा मिळाला आहे. किमान २००० व कमाल २४०० रुपये प्रतिक्विंटलचे दर दर्जेदार बाजरीला आहेत. शिरपूर येथील बाजारात आठवड्यातून तीन दिवस बऱ्यापैकी आवक होते. नंतरचे चार दिवस फारशी आवक नसते. शिरपूर व दोंडाईचा येथे प्रतिदिन सरासरी ८० क्विंटलपर्यंतची आवक होत आहे. धुळे व साक्री (जि. धुळे) येथील बाजारातही नगण्य आवक होत आहे.
सध्या जळगाव, मुक्ताईनगर, पाचोरा येथील बाजारात आवक नसल्याचीच स्थिती आहे. जळगाव व चाळीसगाव येथील बाजारात पुढे आवक सुरू होईल. आवक कमी व उठाव बऱ्यापैकी असल्याने दर टिकून राहतील, असे सांगितले जात आहे.
मका दरात आणखी सुधारणा शक्‍य
मक्‍याची आवकही बाजरीप्रमाणेच नगण्य आहे. चोपडा, रावेर व मुक्ताईनगर भागात मळणी सुरू झाली आहे. परंतु या हंगामात अमेरिकन लष्करी अळीमुळे मका लागवड ३० टक्केच झाल्याने आवकेवर मोठा परिणाम दिसत असून, दर मागील तीन-चार महिन्यांपासून २१०० रुपये प्रतिक्विंटलपर्यंत आहेत. मक्‍याची खेडा खरेदी लवकरच चोपडा, रावेर व जळगाव भागात सुरू होईल. थेट शेतात प्रतिक्विंटल किमान २००० रुपये दर शेतकऱ्यांना या हंगामात मिळेल, अशी स्थिती आहे. मक्‍यासाठी प्रसिद्ध असलेल्या चोपडा, जळगाव, मुक्ताईनगर, अमळनेर येथील बाजारात सध्या मक्‍याची नगण्य किंवा किरकोळ आवक होत आहे. दरात पुढे आणखी किंचित सुधारणा होऊ शकते, असा अंदाज व्यक्त करण्यात आला. गव्हाची जळगाव, चोपडा व अमळनेरातील बाजारात आवक वाढत आहे. जळगाव बाजारात प्रतिदिन १२५ क्विंटल सरासरी लोकवन प्रकारच्या गव्हाची आवक झाली. वनफोरसेव्हन प्रकारच्या गव्हाचीदेखील किरकोळ आवक झाली. लोकवन गव्हास प्रतिक्विंटल किमान १८०० व कमाल २१५० रुपये प्रतिक्विंटलचे दर मागील आठवड्यात मिळाले. पुढे आवक कमी होऊ शकते, असे सांगण्यात आले.
0 comments:
Post a Comment