या सप्ताहात खरीप मका, हळद, गवार बी यांच्यात घट झाली इतर पिकांमध्ये वाढ झाली. सध्याच्या स्पॉट किमतींच्या तुलनेने सर्व पिकांच्या किमतींत फेब्रुवारी/मार्च फ्युचर्स किमतींत वाढ दिसून येत आहे.
आता खरीप पिकाची आवक सुरू झाली आहे. खरीप पिकांच्या विक्रीचे व रब्बीच्या उत्पादनाचे नियोजन करण्याची ही वेळ आहे. या अंकापासून त्याची सुरुवात सोयाबीनपासून करू या.
सोयाबीनचा हमी भाव रु. ३,७१० आहे. अमेरिकन शेती खात्याच्या या महिन्यात प्रसिद्ध झालेल्या अहवालानुसार या वर्षी सोयाबीनचा जागतिक पुरवठा (वर्षाच्या सुरुवातीचा साठा अधिक चालू वर्षातील उत्पादन) गेल्या वर्षापेक्षा सहा टक्क्यांनी कमी असेल. वर्षअखेर साठासुद्धा १३ टक्क्यांनी कमी होईल. एकूण तेल-बियांचा पुरवठा व साठासुद्धा कमी राहील. त्यामुळे जागतिक भाव चढते राहतील.
सोयाबीन विक्रीचे नियोजन ः
भारतातील सध्या सोयाबीनची स्पॉट किमत रु. ३,९५६ आहे. डिसेंबर फ्युचर्स किमत ३,९८९ आहे. ती एप्रिलपर्यंत रु. ४,१३० असेल. भारतात अति-वृष्टीचा फटका मध्य प्रदेश व महाराष्ट्रातील सोयाबीनच्या क्षेत्राला बसला आहे. सोयाबीनच्या भारतातील भावांवर आंतरराष्ट्रीय भावांचासुद्धा परिणाम होतो. ऑक्टोबर महिन्यात सोयाबीनच्या भावात वाढीचा कल होता. अजून तो कायम आहे. या सर्वांचा विचार करून विक्रीचे नियोजन करावे. नियोजन करताना खालील पर्याय लक्षात घ्यावेत.
- सध्याच्या स्पॉट मार्केटमध्ये सोयाबीन विकणे.
- भाव वाढण्याची वाट पाहणे व विक्री लांबणीवर टाकणे.
- फ्युचर्स भावाने भविष्यात डिलिवरी देण्याचा करार करणे व तोपर्यंत मालाची साठवणूक करणे.
- फ्युचर्स मार्केटमध्ये माल विकणे व डिलिवरी तारखेपर्यंत मालाची साठवणूक करणे ( व शक्य असल्यास त्यावर तारण कर्ज घेणे).
गेल्या सप्ताहातील एनसीडीइएक्स व एमसीएक्स मधील किमतीतील चढउतार खालीलप्रमाणे होते.
मका (खरीप)
खरीप मक्यामध्ये अजून फारसे व्यवहार होत नाहीत. मक्याच्या (डिसेंबर २०१९) किमती ऑक्टोबर महिन्यात रु. २,००० ते रु. २,०६० च्या दरम्यान होत्या. या सप्ताहात फ्युचर्स (डिसेंबर २०१९) किमती ३.१ टक्क्यांनी घसरून रु १,८५७ वर आल्या आहेत. स्पॉट किमती (सांगली) ३.१ टक्क्यांनी घसरून रु. १,८४८ वर आल्या आहेत. या वर्षीचा हमी भाव रु. १,७६० आहे.
सोयाबीन
सोयाबीन फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ३,६६२ ते रु. ३,८२२). या सप्ताहात त्या ०.४ टक्क्यांनी वाढून रु. ३,९८९ वर आल्या आहेत. स्पॉट (इंदूर) किमती २.१ टक्क्यांनी घसरून रु. ३,९५६ वर आल्या आहेत. नवीन वर्षासाठी हमी भाव रु. ३,७१० आहे. फेब्रुवारी डिलिवरीसाठी रु. ४,०३८ भाव आहे. सोयाबीनमधील तेजी अजून कायम राहण्याची शक्यता आहे.
हळद
हळदीच्या फ्युचर्स (डिसेंबर २०१९) किमती १८ ऑक्टोबरपर्यंत उतरत होत्या. (रु. ६,१२० ते रु. ५,७२०). नंतर त्या वाढत आहेत. या सप्ताहात त्या २.८ टक्क्यांनी उतरून रु. ५,८२० वर आल्या आहेत. स्पॉट (निझामाबाद) किमती रु. ६,००५ वर आल्या आहेत. एप्रिलच्या फ्युचर्स किमती सध्याच्या स्पॉट किमतींच्या तुलनेने ४.१ टक्क्यांनी अधिक आहेत (रु. ६,२५४).
गहू
गव्हाच्या (डिसेंबर २०१९) किमती १६ ऑक्टोबरपासून उतरत होत्या. (रु. २,१८० ते रु. २,१३६). या सप्ताहात त्या रु. २,१६६ वर आल्या आहेत. स्पॉट (कोटा) किमती रु. २,१५५ वर आल्या आहेत. फेब्रुवारीच्या फ्युचर्स किमती सध्याच्या स्पॉट किमतींपेक्षा १.४ टक्क्यांनी अधिक आहेत (रु. २,१८६).
गवार बी
गवार बीच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ३,९३८ ते रु. ४,११८). गेल्या सप्ताहात त्या १.६ टक्क्यांनी वाढून रु. ४,३११ वर आल्या होत्या. या सप्ताहात त्या ०.४ टक्क्यांनी घसरून रु. ४,२९४ वर आल्या आहेत. स्पॉट (जोधपूर) किमती रु. ४,२३१ वर आल्या आहेत. सध्याच्या स्पॉट (जोधपूर) किमतींपेक्षा फेब्रुवारीमधील फ्युचर्स किमती २.८ टक्क्यांनी अधिक आहेत (रु. ४,३५०).
हरभरा
हरभऱ्याच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ४,२४७ ते रु. ४,५२०). या सप्ताहात त्या ०.१ टक्क्यांनी वाढून रु. ४,४८९ वर आल्या आहेत. स्पॉट (बिकानेर) किमती रु. ४,३८८ वर आल्या आहेत. सध्याच्या स्पॉट (बिकानेर) किमतींपेक्षा मार्चमधील फ्युचर्स किमती २ टक्क्यांनी अधिक आहेत (रु. ४,४७५).
कापूस
एमसीएक्स मधील कापसाच्या फ्युचर्स (डिसेंबर २०१९) किमती ऑक्टोबर मध्ये वाढत होत्या. (रु. १८,९०० ते रु. १९,४१०). या सप्ताहात त्या १ टक्क्यांनी वाढून रु. १९,१३० वर आल्या आहेत. स्पॉट (राजकोट) किमती रु. १८,४२५ वर आल्या आहेत. फेब्रुवारीच्या फ्युचर्स किमती रु. १९,३२० वर आलेल्या आहेत. त्या सध्याच्या स्पॉट किमतींपेक्षा ४.९ टक्क्यांनी अधिक आहेत.
मूग
मुगाच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ६,२९१ ते ६,५८९). या सप्ताहात त्या रु. ६,८३० वर स्थिर आहेत. स्पॉट (मेरता) किमती रु. ६,६१७ वर आल्या आहेत. नवीन मूग अजून पुरेसा येत नाही. फेब्रुवारीच्या फ्युचर्स किमती रु. ७,०९० वर आल्या आहेत. मुगाचे हमी भाव रु. ७,०५० आहेत.
बासमती तांदूळ
बासमती तांदळामध्ये अजून व्यवहार होत नाहीत. स्पॉट (कर्नाल) किमती रु. ३,१५० वर आल्या आहेत.
टीप ः (सर्व किमती प्रती क्विंटल; कापसाची किमत प्रती १७० किलोची गाठी).
या सप्ताहात खरीप मका, हळद, गवार बी यांच्यात घट झाली इतर पिकांमध्ये वाढ झाली. सध्याच्या स्पॉट किमतींच्या तुलनेने सर्व पिकांच्या किमतींत फेब्रुवारी/मार्च फ्युचर्स किमतींत वाढ दिसून येत आहे.
आता खरीप पिकाची आवक सुरू झाली आहे. खरीप पिकांच्या विक्रीचे व रब्बीच्या उत्पादनाचे नियोजन करण्याची ही वेळ आहे. या अंकापासून त्याची सुरुवात सोयाबीनपासून करू या.
सोयाबीनचा हमी भाव रु. ३,७१० आहे. अमेरिकन शेती खात्याच्या या महिन्यात प्रसिद्ध झालेल्या अहवालानुसार या वर्षी सोयाबीनचा जागतिक पुरवठा (वर्षाच्या सुरुवातीचा साठा अधिक चालू वर्षातील उत्पादन) गेल्या वर्षापेक्षा सहा टक्क्यांनी कमी असेल. वर्षअखेर साठासुद्धा १३ टक्क्यांनी कमी होईल. एकूण तेल-बियांचा पुरवठा व साठासुद्धा कमी राहील. त्यामुळे जागतिक भाव चढते राहतील.
सोयाबीन विक्रीचे नियोजन ः
भारतातील सध्या सोयाबीनची स्पॉट किमत रु. ३,९५६ आहे. डिसेंबर फ्युचर्स किमत ३,९८९ आहे. ती एप्रिलपर्यंत रु. ४,१३० असेल. भारतात अति-वृष्टीचा फटका मध्य प्रदेश व महाराष्ट्रातील सोयाबीनच्या क्षेत्राला बसला आहे. सोयाबीनच्या भारतातील भावांवर आंतरराष्ट्रीय भावांचासुद्धा परिणाम होतो. ऑक्टोबर महिन्यात सोयाबीनच्या भावात वाढीचा कल होता. अजून तो कायम आहे. या सर्वांचा विचार करून विक्रीचे नियोजन करावे. नियोजन करताना खालील पर्याय लक्षात घ्यावेत.
- सध्याच्या स्पॉट मार्केटमध्ये सोयाबीन विकणे.
- भाव वाढण्याची वाट पाहणे व विक्री लांबणीवर टाकणे.
- फ्युचर्स भावाने भविष्यात डिलिवरी देण्याचा करार करणे व तोपर्यंत मालाची साठवणूक करणे.
- फ्युचर्स मार्केटमध्ये माल विकणे व डिलिवरी तारखेपर्यंत मालाची साठवणूक करणे ( व शक्य असल्यास त्यावर तारण कर्ज घेणे).
गेल्या सप्ताहातील एनसीडीइएक्स व एमसीएक्स मधील किमतीतील चढउतार खालीलप्रमाणे होते.
मका (खरीप)
खरीप मक्यामध्ये अजून फारसे व्यवहार होत नाहीत. मक्याच्या (डिसेंबर २०१९) किमती ऑक्टोबर महिन्यात रु. २,००० ते रु. २,०६० च्या दरम्यान होत्या. या सप्ताहात फ्युचर्स (डिसेंबर २०१९) किमती ३.१ टक्क्यांनी घसरून रु १,८५७ वर आल्या आहेत. स्पॉट किमती (सांगली) ३.१ टक्क्यांनी घसरून रु. १,८४८ वर आल्या आहेत. या वर्षीचा हमी भाव रु. १,७६० आहे.
सोयाबीन
सोयाबीन फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ३,६६२ ते रु. ३,८२२). या सप्ताहात त्या ०.४ टक्क्यांनी वाढून रु. ३,९८९ वर आल्या आहेत. स्पॉट (इंदूर) किमती २.१ टक्क्यांनी घसरून रु. ३,९५६ वर आल्या आहेत. नवीन वर्षासाठी हमी भाव रु. ३,७१० आहे. फेब्रुवारी डिलिवरीसाठी रु. ४,०३८ भाव आहे. सोयाबीनमधील तेजी अजून कायम राहण्याची शक्यता आहे.
हळद
हळदीच्या फ्युचर्स (डिसेंबर २०१९) किमती १८ ऑक्टोबरपर्यंत उतरत होत्या. (रु. ६,१२० ते रु. ५,७२०). नंतर त्या वाढत आहेत. या सप्ताहात त्या २.८ टक्क्यांनी उतरून रु. ५,८२० वर आल्या आहेत. स्पॉट (निझामाबाद) किमती रु. ६,००५ वर आल्या आहेत. एप्रिलच्या फ्युचर्स किमती सध्याच्या स्पॉट किमतींच्या तुलनेने ४.१ टक्क्यांनी अधिक आहेत (रु. ६,२५४).
गहू
गव्हाच्या (डिसेंबर २०१९) किमती १६ ऑक्टोबरपासून उतरत होत्या. (रु. २,१८० ते रु. २,१३६). या सप्ताहात त्या रु. २,१६६ वर आल्या आहेत. स्पॉट (कोटा) किमती रु. २,१५५ वर आल्या आहेत. फेब्रुवारीच्या फ्युचर्स किमती सध्याच्या स्पॉट किमतींपेक्षा १.४ टक्क्यांनी अधिक आहेत (रु. २,१८६).
गवार बी
गवार बीच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ३,९३८ ते रु. ४,११८). गेल्या सप्ताहात त्या १.६ टक्क्यांनी वाढून रु. ४,३११ वर आल्या होत्या. या सप्ताहात त्या ०.४ टक्क्यांनी घसरून रु. ४,२९४ वर आल्या आहेत. स्पॉट (जोधपूर) किमती रु. ४,२३१ वर आल्या आहेत. सध्याच्या स्पॉट (जोधपूर) किमतींपेक्षा फेब्रुवारीमधील फ्युचर्स किमती २.८ टक्क्यांनी अधिक आहेत (रु. ४,३५०).
हरभरा
हरभऱ्याच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ४,२४७ ते रु. ४,५२०). या सप्ताहात त्या ०.१ टक्क्यांनी वाढून रु. ४,४८९ वर आल्या आहेत. स्पॉट (बिकानेर) किमती रु. ४,३८८ वर आल्या आहेत. सध्याच्या स्पॉट (बिकानेर) किमतींपेक्षा मार्चमधील फ्युचर्स किमती २ टक्क्यांनी अधिक आहेत (रु. ४,४७५).
कापूस
एमसीएक्स मधील कापसाच्या फ्युचर्स (डिसेंबर २०१९) किमती ऑक्टोबर मध्ये वाढत होत्या. (रु. १८,९०० ते रु. १९,४१०). या सप्ताहात त्या १ टक्क्यांनी वाढून रु. १९,१३० वर आल्या आहेत. स्पॉट (राजकोट) किमती रु. १८,४२५ वर आल्या आहेत. फेब्रुवारीच्या फ्युचर्स किमती रु. १९,३२० वर आलेल्या आहेत. त्या सध्याच्या स्पॉट किमतींपेक्षा ४.९ टक्क्यांनी अधिक आहेत.
मूग
मुगाच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ६,२९१ ते ६,५८९). या सप्ताहात त्या रु. ६,८३० वर स्थिर आहेत. स्पॉट (मेरता) किमती रु. ६,६१७ वर आल्या आहेत. नवीन मूग अजून पुरेसा येत नाही. फेब्रुवारीच्या फ्युचर्स किमती रु. ७,०९० वर आल्या आहेत. मुगाचे हमी भाव रु. ७,०५० आहेत.
बासमती तांदूळ
बासमती तांदळामध्ये अजून व्यवहार होत नाहीत. स्पॉट (कर्नाल) किमती रु. ३,१५० वर आल्या आहेत.
टीप ः (सर्व किमती प्रती क्विंटल; कापसाची किमत प्रती १७० किलोची गाठी).
0 comments:
Post a Comment