मागील तीन ते चार आठवड्यांतील पावसामुळे केळी पिकाचे खूप नुकसान झाले आहे. हे पीक २४ ते ४८ तासापर्यंत बागेत साचलेले पाणी सहन करू शकते. मात्र त्यापुढील काळात मुळांना ऑक्सिजन न मिळाल्यास ती कुजायला लागतात. याचा परिणाम पानांवर होऊन ती पिवळी पडतात. अशा परिस्थितीमध्ये बागेतून पाण्याचा निचरा लवकर करणे आवश्यक आहे. पाण्याचा निचरा केल्यानंतर कार्बेन्डाझिम २ मिलि किंवा प्रोपीकोनॅझोल २ मिलि प्रति लिटर पाण्यात मिसळून या द्रावणाची झाडाच्या बुडालगत आळवणी करावी. झाडांची मुळे अन्नद्रव्य शोषून घेण्यासाठी सक्षम होईपर्यंत झाडांवर १९:१९:१९ या खताची (२० ग्रॅम प्रति १५ लिटर पाणी) फवारणी करावी.
बागेचे व्यवस्थापन ः
- मुख्य खोडालगत येणारी पिले धारदार विळीने जमिनीलगत दर २ ते ३ आठवड्यांनी कापावीत.
- बागेतील विषाणूग्रस्त झाडे समूळ उपटून नष्ट करावीत.
- जुन्या कांदेबागेमधील फळवाढीच्या अवस्थेतील घड हे कोरड्या केळी पानांनी किंवा पांढऱ्या पॉलिप्रॉपीलीन कापडाच्या पिशवीने झाकावीत.
- तापमान १० अंश सेल्सिअसच्या खाली गेल्यास पहाटे बागेत ओला काडीकचरा जाळून धूर करावा.
रोग नियंत्रण ः
१) इर्विनिया रॉट ः
हा जीवाणूजन्य रोग आहे.
नियंत्रण ः
१०० लिटर पाण्यामध्ये ३०० ग्रॅम कॉपर ऑक्सिक्लोराइड अधिक १५ ग्रॅम स्ट्रेप्टोमायसीन अधिक ३०० मिलि क्लोरपायरीफॉस द्रावण तयार करावे. प्रति झाड २०० मिलि द्रावणाची आळवणी करावी.
२) करपा ः
- बागेतील रोगग्रस्त पाने काढून नष्ट करावीत.
- ५ मिलि प्रॉपिकोनॅझोल अधिक १०० मिलि मिनरल ऑइल प्रति १० लिटर पाण्यात मिसळून फवारणी करावी.
- (टीप ः बुरशीनाशकांच्या शिफारशींना लेबल क्लेम आहे.)
खत व्यवस्थापन ः
मृगबाग ः
- लागवडीनंतर १६५ दिवसांनी प्रतिझाड ८२ ग्रॅम युरिया व ८३ ग्रॅम म्युरेट ऑफ पोटॅश द्यावे.
- लागवडीनंतर २१० दिवसांनी प्रतिझाड ३६ ग्रॅम युरिया द्यावा.
नवीन कांदेबाग ः
- पहिला हप्ता लागवडीनंतर ३० दिवसांच्या आत द्यावा (प्रतिझाड ८२ ग्रॅम युरिया व ८३ ग्रॅम म्युरेट ऑफ पॉटेश).
- दुसरा हप्ता लागवडीनंतर ७५ दिवसांनी द्यावा (प्रतिझाड ८२ ग्रॅम युरिया).
ठिबक सिंचनाद्वारे खत देताना ः
नवीन कांदे बाग ः
प्रति हजार झाडासाठी लागवडीपासून १ ते १६ आठवड्यांपर्यंत ४.५ किलो युरिया, ६.५ किलो मोनोअमोनियम फॉस्फेट व ३ किलो म्युरेट ऑफ पोटॅश द्यावे.
मृग बाग ः
लागवडीपासून १७ ते २८ आठवड्यांपर्यंत १३ किलो युरिया व ८.५ किलो म्युरेट ऑफ पोटॅश द्यावे.
निंबोळी ढेप ः
- नवीन कांदेबागेस प्रतिझाड २०० ग्रॅम
- मृग बागेस प्रति झाड ५०० ग्रॅम
संपर्क ः प्रा. एन. बी. शेख, ०२५७- २२५०९८६
(केळी संशोधन केंद्र, जळगाव)
मागील तीन ते चार आठवड्यांतील पावसामुळे केळी पिकाचे खूप नुकसान झाले आहे. हे पीक २४ ते ४८ तासापर्यंत बागेत साचलेले पाणी सहन करू शकते. मात्र त्यापुढील काळात मुळांना ऑक्सिजन न मिळाल्यास ती कुजायला लागतात. याचा परिणाम पानांवर होऊन ती पिवळी पडतात. अशा परिस्थितीमध्ये बागेतून पाण्याचा निचरा लवकर करणे आवश्यक आहे. पाण्याचा निचरा केल्यानंतर कार्बेन्डाझिम २ मिलि किंवा प्रोपीकोनॅझोल २ मिलि प्रति लिटर पाण्यात मिसळून या द्रावणाची झाडाच्या बुडालगत आळवणी करावी. झाडांची मुळे अन्नद्रव्य शोषून घेण्यासाठी सक्षम होईपर्यंत झाडांवर १९:१९:१९ या खताची (२० ग्रॅम प्रति १५ लिटर पाणी) फवारणी करावी.
बागेचे व्यवस्थापन ः
- मुख्य खोडालगत येणारी पिले धारदार विळीने जमिनीलगत दर २ ते ३ आठवड्यांनी कापावीत.
- बागेतील विषाणूग्रस्त झाडे समूळ उपटून नष्ट करावीत.
- जुन्या कांदेबागेमधील फळवाढीच्या अवस्थेतील घड हे कोरड्या केळी पानांनी किंवा पांढऱ्या पॉलिप्रॉपीलीन कापडाच्या पिशवीने झाकावीत.
- तापमान १० अंश सेल्सिअसच्या खाली गेल्यास पहाटे बागेत ओला काडीकचरा जाळून धूर करावा.
रोग नियंत्रण ः
१) इर्विनिया रॉट ः
हा जीवाणूजन्य रोग आहे.
नियंत्रण ः
१०० लिटर पाण्यामध्ये ३०० ग्रॅम कॉपर ऑक्सिक्लोराइड अधिक १५ ग्रॅम स्ट्रेप्टोमायसीन अधिक ३०० मिलि क्लोरपायरीफॉस द्रावण तयार करावे. प्रति झाड २०० मिलि द्रावणाची आळवणी करावी.
२) करपा ः
- बागेतील रोगग्रस्त पाने काढून नष्ट करावीत.
- ५ मिलि प्रॉपिकोनॅझोल अधिक १०० मिलि मिनरल ऑइल प्रति १० लिटर पाण्यात मिसळून फवारणी करावी.
- (टीप ः बुरशीनाशकांच्या शिफारशींना लेबल क्लेम आहे.)
खत व्यवस्थापन ः
मृगबाग ः
- लागवडीनंतर १६५ दिवसांनी प्रतिझाड ८२ ग्रॅम युरिया व ८३ ग्रॅम म्युरेट ऑफ पोटॅश द्यावे.
- लागवडीनंतर २१० दिवसांनी प्रतिझाड ३६ ग्रॅम युरिया द्यावा.
नवीन कांदेबाग ः
- पहिला हप्ता लागवडीनंतर ३० दिवसांच्या आत द्यावा (प्रतिझाड ८२ ग्रॅम युरिया व ८३ ग्रॅम म्युरेट ऑफ पॉटेश).
- दुसरा हप्ता लागवडीनंतर ७५ दिवसांनी द्यावा (प्रतिझाड ८२ ग्रॅम युरिया).
ठिबक सिंचनाद्वारे खत देताना ः
नवीन कांदे बाग ः
प्रति हजार झाडासाठी लागवडीपासून १ ते १६ आठवड्यांपर्यंत ४.५ किलो युरिया, ६.५ किलो मोनोअमोनियम फॉस्फेट व ३ किलो म्युरेट ऑफ पोटॅश द्यावे.
मृग बाग ः
लागवडीपासून १७ ते २८ आठवड्यांपर्यंत १३ किलो युरिया व ८.५ किलो म्युरेट ऑफ पोटॅश द्यावे.
निंबोळी ढेप ः
- नवीन कांदेबागेस प्रतिझाड २०० ग्रॅम
- मृग बागेस प्रति झाड ५०० ग्रॅम
संपर्क ः प्रा. एन. बी. शेख, ०२५७- २२५०९८६
(केळी संशोधन केंद्र, जळगाव)
0 comments:
Post a Comment